ازيكو
الكلام ده مش تجربه انا مريت بيها
لا دي حاجه الشباب بيعملوها وبصراحه فرسني بيها
الا وهي الانجلو اراب
حد حيقوم يقولي اتكلمي عربي يازفته مش فاهمين حاجه
ااقوله اتهد وااقعد لحد مخلص كلامي
الانجلو اراب بلغه الناس اللي بتفهم
هو العربي بس بحروف انجليزي
طب انا عاوزه حد يفهمني ليه انجلو اراب ماهو ربنا عرفوه بالعقل
ياكتب عربي
ياكتب انجليزي
لو مضايقني الاتنين اكتب اسباني مش مشكله
بس ايه الفايده العلميه اني اكتب الاتنين
حد حيقوم يقولي قولي بقي انك معقده من الانجليزي عشان كده مبتفهمهوش
حقوله لا انا مهندسه كمبيوتر قد الدنيا ومخلصه كل مستويا ت الانجليييييييييييش
انا مش حنكر اني مش ممتازه ف الانجليزي بس انا بفهم انجليزي كويس جدا واقدر اتلكم بيه
بس اتكلم واكتب بيه لسبب
يعني ف وقت
لازم اكتب فيهم انجليزي
ثم في حاجه كمان
الكتابه ع الكمبيوتر اصلا عشان تزود سرعتك او تحسن اللغه
الانجلو اراب ده بقي بيعمل ايه
انت كده لا بتزود سرعتك ف العربي
ولا بتحسن اللغه بتاعتك ف الانجليييييييييييييش
المصيبه اني لي واحده صاحبتي لقيتها بتقولي معلش يازفته مش حعرف ارد عليكي عربي
عشان انا بطيئه فيه
ممكن اكتب انجليزي قلتلها اكتبي
العين تكتبها 3
حرف ح تكتبه 7
الهمزه 2
يعني ربنا اداكو لغه سالكه تقلبوها انتو ليه
وف النص لقيتها كتبالي iam joking يعني انا بهزر
طيب مانت بتكتبي انجليزي اهوه
وانا فهمته مش جاموسه يعني
لازمتها ايه اللغبطه
حتقولولي ايه قلب عليكي المواجع وخلاكي تصدعينا بالموضوع ده
ااقولكو عشان متزهقوش
قطران اخويا شاعر وبيكتب بالفصحه
يعني العربي بتاعه حلو جدا
قووووووووووووووووووم الاقيه من يومين باعتلي الرساله دي
معني الرساله ايه للي مفهمش
انا اسف الجهاز رستر (يعني فتح وقفل ) لوحده والماسنجر علق
قارنو كده بين العربي والانجليزي
اصلا قطران كاتب الانجليزي غلط
يعني رستر حرف dبيعمل فيها ايه
بزمتكو مش حاجه تشل
يعني لا منها بيقينا عرب
وكتبنا عربي
ولا منها بقينا اجانب وكتبا انجليزي
حيحصل ايه لو كتبنا عربي طبيعي العين ع والحاء ح والهمزه ء
معلش لو صدعتكو بس الموضوع ده فارسني اوي
والنبي تقولولي رايكو انا معايا حق ولالا
يالا
سي يو انزر داي
(اشوفكو ف يوم تاني)
ده بقي اراب انجلو جات علي
امضاء
زفته هانم
ملحوظه:
اوعي تزعل ياقطران انا عارفه انك من هنا
ورايح حتكلمني عربي بس
لا اكتب براحتك انا قلت اتكلم عليك انت احسن ماخد زنوب علي حد غريب
هناك 48 تعليقًا:
بصى يا ستى
اللغة دى اولاً اسمها : (( فرانكو ))
هى ظهرت لسبب
على البالتوك بالذات (( و ده برنامج دردشة زى الياهو و الهوتميل كدة )) ... كان فى مشكلة بتقابل بعض الناس ان الحروف العربى بتبان عندهم حروف صينى و هندى
و فى نفس الوقت هم مش بيعرفوا انجليزى
او الانجليزى بتاعهم مش اللى هو ممكن يعملوا بيه شات
و كمان الناس اللى بتتكلم معاهم مش كلهم بيفهموا انجليوى
و من هنا ظهرت فكرة اللغة (( الفرانكو ))
انهم يكتبوا العربى اللى كله بيفهمه
لكن بحروف و أرقام انجليزى علشان كله يقدر يشوف الحروف
و بعد كدة انتشرت اللغة دى
لدرجة ان فى مواقع و منتديات مبنية من الأساس باللغة دى
********************
معلش بقى طولت عليكى
تحياتى ...
ولا يهمك
بس انا عندي سؤال
اتنين جهازهم بيكتب عربي كويس
يكتنبو انجلو اراب ولا فرانكو دي ليه
السلام عليكم
حلو قوي البوست والتوبيك حلوين ويناقشواقضية حلوة
وفعلا عندك حق في كل اللي قلتيه
بغض النظرعن اسباب ظهورها
بس احنا لازم نفتخر باللغة العربية وحروفها
على فكرة انا ليا واحد صاحبي
بيكتب قصص قصيرة جامدة
المسودة بالفرانكو اراب
وم بيكتبها عربي
واحد بينقلهاله
ما علينا
على فكرة انا لما بعت الرسالة
كانت الحروف العربي عندي ممسوحة
شكرا
السلام عليكم ورحمة الله وبركاته
مبسوطة بمعرفتى مدونتك الجميلة
وان شاء الله زيارتى هتتكرر دايما
وبوست بجد جميل ومعاكى حق
لاننا المفروض نتكلم بلغتنا
اللغة العربية
بحييكى بجد على موضوعك
لأ اتنين جهازهم بيكتب عربى
يا بيستهبلوا
يا اتعودوا
مافيش حل تالت
و بالنسبة للنيو لوك
فهو اختيار موفق جداً
تحياتى على ذوقك
سلام
صباح الخير يا زفته
مش عارفه انا مكسوفة اوي وانا بقولك يا زفته (:
بس ما علينا
بجد أنا معاكي في كل اللي قولتيه
وأنا بشوفه كتير وكمان كلمة بلييييز
وكلام كتير وده كمان أنا لاحظت أنه أثر على اللغة العربية بالله عليكي أدخلي كده المنتديات وأقرأي أي موضوع
هتلاقي كلمة عربي على كلمة انجليزي وكمان العربي مكتوب غلط
الله يكون في عونا كلنا وفي عون اللغة العربية ده الغرب كله يتمنوا يتعلموها
معلش طولت في الكلام تقبلي مروري
وشكرا لمرورك أنتِ وقطران في مدونتي المتواضعة
والله يديم بيننا التواصل
Angel Love
ااااااااااااه
ولا اتفرجي بئى على اللي يعملك ابن ناس ويكتبلك كلام انجليزي في وسط الفراننكو ارابيك وتقعدي انتي بئى تفرزي الكلام عشان تفهمي دي عربي لأ دي انجليزي لأ دي لاقطها من الفرنساوي
يعني مثلاً وحدة كانت بعتالي رساله
ana nazla (now) mosh tt25ry 3alaya 3shan mosh ntktb (late) 5aleky sare3a
شوفتي مدى العذاب اللي انا كنت فيه اللي هو لو ماكنتش بعتت الرسالة كنت روحتلها بسرعة ومش اتأخرت ما الرسالة وفك شفرتها هو اللي أخرني
عاااااااااااااااا
rara
انا سعيده جدا ان المدونه بتاعتنا عجبيتك
واتمني متبقاش اخر زياره
angle
متتكسفيش
انا اللي اخترت الاسم
وانا بجد بحبه جدا
ايوه
كلمه بلييييييييييز
بضايقني
ولا كلمه سوري
لدرجه اني بقيتبقولها
ميقولو انا اسفه
وخلاص
مش مشكله
يمكن مخدوهاش ف العربي
نوره
انت غلطانه
انا لو مكانك وقريت الرساله
مكنتش نزلت اصلا
وسيبتها تتاخر
هي اللي بدات
السلام عليكم
بصراحة موضوع جميل وكويس انك فتحتيه عشان انا كمان بيجيلي شلل من اصحابي اللي بيعملو كده .. وشايف انه نوع من المنظرة والتقليد الأعمي بدليل ان ليا اصحاب كانو اول ما بدأوا يشيتوا استخدموه كنوع من التقليد يعني مش تعود ولا حاجه لانهم كانو لسه جداد
أو تقدري تسميه عقدة نقص .. زي واحد مش بيعرف يتكلم انجليزي تلاقيه بيحشر في كل كلامه
sure . ofcourse . absolutely
وتلاقيه هو طور الله في برسيمه في الانجليزي .. عشان كده البعض بيعتبر الحكاية دي نوع من فرد العضلات والمنظرة مع اني شايفها خيابة
بسم الله الرحمن الرحيم
كلام جميل كلام معقول
لكن أين اللغة العربية التى تتكلمين عنها هل تقصدين العامية العربية
بدلا من العامية الإنجليزية وما القيمة التى سنعود بها , إننى لا أدعو إلى هذه الكتابة الغريبة ولكن أضم صوتى إلى صوت " وردة و فلة "
حتى تكون لغتنا العربية هى لغة الحوار بيننا
وأخييرا أشكرك يا " وردة و فلة " على مقالك الجميل وأدعوك إلى زيارة مدونتى
http://ommee.blogspot.com
ازيك يازفته؟
بصراحه موضوع الكتابه الفرانكو اراب دي بتخنقني لأني باخد وقت عقبال مابفهم هما يقصدوا ايه و ياسلام بقه لو التعليق طوييييييييييييل حاجه خنيقه بجد
يعني ياتكتب بالانجليزي ياتكتب بالعربي
شكرا علي اثاره الموضوع المهم ده و حمدلله علي سلامتك
انا من اكتر الناس اللي مش بتحب الفرانكو اراب مع اني بضطر اني اتعامل بيها في اوقات كتير
اسلوبك لذيذ في الكتابة
وان شاء الله اكون من متابعينك
ههههههههههه يا بنتى فرانكو زفت اسمها انا بكرهها اصلا وبتشلينى والادهى بقى يقولك الناس الكلاس هى اللى بتكتب بيها اقولها اتنيلوا على عينكوا
صحيح ما تكتبوا روسى اراب ههههههههه
بس ايه التسييح الجامد ده لقطران يالا انا جايه اهدى النفوس ههههههههههه
خدى الواجب وادعيلى اوعى تزعلى نفسك
كنت زمان بشوف الكلام ده واتنح
واستني لحد مواحد من صحابي ييجي يترجم
بس دبلوقتي بقيييت لب لب :)
واهو واقع من ضمن الحاجات الكتير اللي ملهاش تفسير
ليكوريكا
بصى بقى انتي صح
يا اما اكتب عربي يا اما اكتب انجليزى
لأ انتي تضحكي بجد لما عمى اللي عايش طول عمره فى امريكا...يعني نسي العربي اصلا
ولاقيته باعتلي ميل مطعم ببعض الكلمات ديه
انا متهيألي ان الامريكان لصعوبة اللغه العربيه اختلرعوا الطريقه ديه علشان يعرفوا يتجسسوا على النت براحتهم
بصى بقى انتي صح
يا اما اكتب عربي يا اما اكتب انجليزى
لأ انتي تضحكي بجد لما عمى اللي عايش طول عمره فى امريكا...يعني نسي العربي اصلا
ولاقيته باعتلي ميل مطعم ببعض الكلمات ديه
انا متهيألي ان الامريكان لصعوبة اللغه العربيه اخترعوا الطريقه ديه علشان يعرفوا يتجسسوا على النت براحتهم
فارس بلا جواد
انا بقي
sure دي بتفرسني
ميقول طبعا اكيد اي حاجه
بيشلوني
احمد
ازيك
انت عاوزهم يتكلمو عربي فصحه
طيب يبطلو انجليييشس
الاول
شكرا علي زيارتك
اجندا حمرا
اه لا انا مستحملش تعليق طويل
والله حريح نفسي ومش حقراه احسن
appy
حبيبتي
لا انا مش عاوزه ابقي من الناس الكلاس
مالهم عامة الشعب زي الفل
رئيسه حزب الاحلام
شكرا جدا ع الواجب
واوعدك ان انا وقطران حنحله قريب
ليكوريكا
لا اوعي تكون بقيت لب لب فيه
وناوي تكلمني بيه وتشلني
بس الله يخليك
يعني ايه لوكريكا
فرفر حبيبتي
نورتيني
واكيد طبعا الامريكان بيتجسسو علينا وطي صوتك بقي ليسمعونا
يارب ياساتر
اي حد مش لابس الطرحه يلبسها ياجماعه انا داخل
طيب بسم الله
بصي زي مافهمت من اول واحد علق سبب ظهور هذه اللغه الفرانكو اراب وبصراحه سبب وجيه بس الناس اللي اهم حاجة عندهم انهم يجارو الموضه بيكتبو بيها علشان زي ماقلت يجارو الموضه
بجد بتضايق لما الاقي الناس مش فخورين بلغتهم العربيه حاجة تكسف بجد
يعني لااحنا بنفخر بعروبتنا ولا بلغتنا
موضوع جميل بأحييكي عليه
عووووووووووووووووووووووووو
انا يجت اتخدتى
..................................
هههههههههههههههههههههه
بوست بجد فى الجون
وحاجة تفرس وتشل وانا مش بفهم اىىىىىىىىىىى حاجة فى اللغة دى
................................
احييكى
..........................
عوووووووووووووووووووووووووو
بجد انا باتعصب جدا من اللغة ده
عندك حق اوي
والله يا زفتة احنا عالم نموت في المنظرة ومابنصدق تلاقي تقلعية وتشبط فيها انا شخصيا الفرانكو اراب دا اول ما بدأت اشوفه علي النت كنت بحس اني غبية لما حد يكلمني بيه بس دلوقتي بحرج اللي بيكلمني بيه واجبره انه يكلمني عربي اذا كنا ضايعين في الفصحي وملناش لغة صحيحة اساسا نقوم نستخدم اللغة دي المدونة لذيذة اوي
تقبل مروري وتحياتي :)
سلامات
هاو دو يو دو،هههههه
لزوم الإنجلو أراب بقى
البوست جميلة جدا، ودمها خفيف.
إسراء
عارفة أنا بكتب كده برضه
أسهل ان كل اللى قدامى يفهم
وأنا بطئ فى العربى
بس معاكى حق
مساء الخير زفوتة
أنا لأول مرة أزور مدونتك أنتي وقطران بجد جميلة
وبصراحة عندك حق
أنا مش بيعجبني اللي بيتكلموا بالطريقة دي أو يكتبوا بالفرانكو اللي بيقولوا عليها بحس أنهم بيتكبروا وبيتغروا وهما في الغالب ملهومش في أي حاجة ولا أي لغة
وأتمنى كلنا نحافظ على لغتنا الجميلة اللغة العربية
وفي الأخر أقول إن النبي عربي
وأتمنى أنك تنوري مدونتي المتواضعة
فكرتيني بلغة الشات و الله كانت ايام ظريفة
جميل ان الواحد يعرف الدنيا ماشية من حوالية ازاي و يتعلم اي لغة مستحدثة علشان يفهم الجيل ده بيقول اية
wala enty shayfa 2eh?
:))
اوروفوار
ههههههه
اول مرة اعرف ان الكتابة بالشكل ده اسمها انجلو اراب كتب فاكراها فرانكو اراب
بيني و بينك اللي يغيظ بجد اللي بيكتبوا الانجليزي بالعربي
زي مثلا (سي يو) و هاو ار يو
ههههههههههه
و طبعا اكيد
اوروفوار
خيااااااااااااااااااااانة
جامدة
لاتغتفرررررررر ابدااااا
وهشهد عليكوااا اصدقائى المدونين ؟
يرضيكوا يتعمل فية كدة من زفتة وقطران على دماغهم
يبقى عندهم مدونة ويقوليلى بعد الهنا بسنة
انا مش هقؤلك حاجة مش هلومك مش هتعتباك
خلييك كدة يا حبيبى عيش لوحدك دااوى جرجك
ماااااشى لا عتاب ولا كلام ؟
وهعملكوا بوست عندى واسمية الللى خانوا نونو
بس كدة
وعلى العموم المسامح كريم بس انا مش كريم
انا نونو
بس وحياة اللى كان واللى اصبح زكريات للترددلكوا يا زفتى انتى وقطررران
على دماغكوا
مااااااااااااشى ماشىىىىىى
صبرا ال ياسر
كفاية كدة بقى علشان كاظميين الغيظ فى الجنة
white heart
يارب ياساتر
اتفضل محدش خالع راسه
طبعا معاك حق
حاجه تزعل لما منلاقيش حد مفتخر ( حلوه مفتخر دي)
بلغته العربيه
شكرا علي مرورك ونورت زفته وقطران
بالزياره
كيكي
حبيبتي
يامامي
اتخضيت
وحياتك عندي
ومين سمعك انا كمان مش بفهم
بس بحاول
عشان المنظر العام
كمان تعلقى على الناس وانا لا ؟
لا كدة كتير بلا ارف
بعد ما كنت صفييييت منكواا انتى وقطران
لا انتوة كدة وهتفضلوة كدة
زفت وقطران علييكوة
نونو
عايز اقولك
القلب الطيب
قلب قريب
قلب حنين قلب كبير
بالكلام ده بأبدأ كلامي وحديثي
وعايز اقولك بلاش نتكلم في الماضي
ده الماضي كان كله جراح
اما عشان قلنالك متأخر
غلطة ندمان عليها
وبعدين يا نونو
انتي القلب الكبير
خيانة ايه بقى
وبعدين
انا عارف انك مش كريم
عشان نونو اصل الكرم
وبعدين
يا سيدي امرك امرك ياسيدي
ولاجل خاطرك خاطرك يا سيدي
ما اقدرش اخالفك لاني عارفك
تقدر تحط الحديد في ايدي
أأمري واحنا ننفذ
مانقدرش على زعلك
يانونو ياجامد
اظن يانونو
بعد قطران مغنالك
ملكيش حق تزعلي
دانت شمعتنا وانت نور بتنا
خلاص بقي
بلاش عشان خاطري
عشان خاطر قطران
طيب بما ان خالف تعرف
فانا لازم اخالف
بهرج
زي ما قال مهيج الجماهير طلعت الفرانكو عشان كدة
و كنا بنعاني من الموضوع دة لان معض الشاتاشيتمفيهاش انك تكتبي عربي
المهم بتكتبي فرانكو
دة حاجة
بعد ما المشكلة اتحلت
لاقيتي نفسك بتكتبي اسرع و فاكرة مكان الحروف الانجليزي اكتر منا لحروف العربي
و بعض الناس مبيحبوش البطء ففضلوا يكتبوا فرانكو دة لانهم مش قوي في الزنجليعي
نيجي بقة لحكاية تدخيل بعض الكلمات الزنجليعي ف يالموضوع
بالنسبالي
ساعات بيبقي اني مش قادرة اجيب معني الكلمة بالعربي ( مبقولش اني تعليم فلبيني) ولا اني واخدة اي جي ولا خريجة AUC بس فعلاً
مبيجيش علي بالي خالص الكلمة بالعربي اعمل اي
اتخرس؟؟؟
سو بقولها كدة
عندك كلمة سو دية
دة نتيجة تعود , و بعدين معناها لذا اللي اكتشفته مؤخراً وساعات بنسي و بكتبها كدة
و مبيبقاش قصدي ولا فشخرة ولا انعرة
فية كلمات بقة معرفش يعني إية بالعربي
يعني مثلا
أوبس Ops
دية استبدلها بإية؟؟؟
يعني مثلا كلمة Ok
okie dokie
ماهو كلنا بنقولها
لية مقولناش قصدنا فشخرة؟؟؟
ماشي لغتنة الجميلة و كل حاجة
بس احنا مبنتكلمش لغة عربية فصيحة أصلا
عامتاً
دية وجهة نظري
ولكي وجهة نظرك
دمتي سالمة
سلامٌ عليكي
عندك حق جدا
الموضوع دة بيغظنى انا اكتر منك
مرة كنت بكلم اخويا الضغير على الماسينجر وعمل معايا نفس الحركة دى بس انا صممت انه يكتب عربى
قالى اصلى بطىء قلت له مش مهم هاستناك
وبعد شوية زهقت منه
قمت اتصلت بيه على تليفون البيت ورغيت معاه براحتى
hi there:
well,may be u r right about the franco arab but to me as i live in usa a while ago and my labtop dont have arabic letters and many people when i talk to them in english they dont understand me good so i use the franco not because i like it,as its not easy to right in it but is just some times u dont have any other options
sa7 kalamy wala 2eh :)
bye
by the way ur blog is amazing and i liek it alot
انتظرونا قريبا في
(( خمسة لقلبك ))
مع
Aaya & Angel
http://5toyourheart.blogspot.com
طبعا انا كنت هقول الكلام اللى قاله مهيج هى فعلا اسمها فرانكو ارب بس انا فعلا زيك مفقوعه بصراحه
وبيجيلى شلل لما بكتبها بس كنت كتير بضطر انى اكتب فرانكو ليه؟
فى الموبيل
فى وقت كان الحروف العربى بتظهر غلط وانا بصراحه مش ليا فى الانجلش
لكن انا بعتز جدا باللغة العربيه وبحب انى اكتب بيها
واحنا لازم مش نستمر فى الكتابة بالشكل ده لازم شوية نرجع لطريقتنا فى الكتابه ولغتنا الجميله
وعلى فكرة ظهرت جروبات فى الفيس بوك بتندد بالكتابة بالفرانكو ارب
وبتحاول ترجعنا للغتنا الجميله
المشكلة ان ظهر حاليا ناس بتحاول تنطق الكلام زى مبتكتبه بالفرانكو
وفى ناس بقت عارفه ان الحرف الفلانى هو الرقم كذا
ربطوا بيه بشكل كبير
الله يكون فى عونا
سلامى
قطران باااشا
زفتة هانم
ياسلام على التثبيت
بتثتونى هههههههههههه
ماشى انا علشان قلبى الكريم
هعديها المرة دى
لكن اعملوة حسابكوا المرة الجاية
هعمل عمايل ؟
ههههههههههههههههه اسمه فرانكو يا زفتوتى, بس والله انا كمان بتفرس ومرارتى ببتفقع, كمان انا مش جامده فى الانجلش لكن بفهم بردوا فيه, وانا بتهيقلى اللى اخترع اختراع الكتابه با الفرانكو, الناس المغتربين.. فى بلاد بره, وبعض من الدول العربيه زى الجزائر .. المغرب, لانى لغتهم فرنساوى على عربى على انجلش... يعنى ما نستغربش... من الفرانكو
إرسال تعليق