الثلاثاء، 27 يناير 2009

ريم

سلامو عليكم

معلش البوست دا انا هوجه الكلام لريم صديقتي الصدوق

_________________________

إذيك يارمشو

انا كان المفروض هشوفك بعد بكره

ولو تعرفي كان نفسي اشوفك قد ايه مش هتتخيلي

بس طلعلي تدريب لازم احضره بوظ كل حاجه

فقررت اكلمك هنا

عارفه كان نفسي اشوفك ليه

كان نفس احس زي زمان رغينا ورخمتنا علي بعض

نبعت لبعض رسايل ع الموبايل واحنا اصلا جنب بعض ع السرير قال ايه

عشان محدش يعرف هنقول ايه

فاكره لما كنتي بتذنبيني قدامك وانت بتذاكري

ونهال تقولك سيبيها تقوم تنام تقوليلها لا انا كدا مرتاحه


فاكره كااااااااام مرة اتخانقنا من غير محد ف البنات يعرفو

وكان دايما الخناقه بسبب اني اتصرفت غلط ف حق نفسي

او عملت حاجه جيت علي روحي فيها


فاكره كام مره زعقتلك عشان كنتي غلطانه ومرديتيش علي


فاكره كام مره احتجتك ولاقيتك وقت مكنت عاوزاكي من غير مقول

كام مره بصيتي لموبايلك عاوزاني اتصل واتصلت


كام مره رجعت مخنوقه من امتحاناتي ومكنش قدامي غيرك ارمي نفسي ف حضنك

ريم

كل الناس كانو شايفينك قاسيه

وكانو شايفينك بتقسي علي بالخصوص

انا عمري مشوفتك كدا

انت كنت احن حد عليا ولو قسيتي كمنت بتقسي عشان مصلحتي

كنت امي فتوقيت كلنا اهالينا بعيد عننا

ف المدينه الجامعيه كنا عايشين بعيد عن اهلنا بس انت كنت دايما امي

لو قاسيه مكنتيش جريتي ف الشارع زي المجنونه لما عرفتي اني تعبانه

ولا كنتي سهرتي ف الشارع للساعه 1 باليل

عشان تجيبيلي اللبس اللي هحضر بيه مناقشة المشروع بتاعي

ف الاخر

انا يمكن لو كنت شوفتك كان في حاجات كتير اوي غلط عملتها مكنتش هحكيلك عنها

لاني عارفه انك مش هتسكتيلي ف الغلط

بس كان وجودك جنبي وبتتكلمي ومعرفتي اني مع صديقة عمري

هيخليني اخد القرار الصح واخرج من الحاله اللي مش عارفه هي هتخلص امتي

يمكن تخلص لما اشوفك او قبل كدا بس عاوزة ااقولك

انك مهما بعتي او الوقت فرق بينا انت كسرتي القاعده بتاعت البعيد عن العين

لا يارمش

انا يمكن بعدك قلت جملة

u r my best

لكتير اعرفهم بس انت غيرهم

مهما مثلت علي الناس اني مبسوطه انت الوحيده اللي بتقدري تعرفي ضحكتي معناها ايه

انا محتاجاكي اوي اوي اوي

واصعب حاجه ان ف عز مامحتجاكي

مش هقدر احكيلك مالي بس كان نفسي ارمي روحي ف حضنك واعيط وخلاص




وحشتيني يااغلي مخلوق ليا ف الارض

____________________________

ملحوظه يمكن ناس تشوف علاقتي بريم اوفر بس العلاقه دي فعلا موجوده


امضاء

زفتة هانم في اسؤا حالتها




الاثنين، 19 يناير 2009

بااااااااااااااااااااااااااااااااااااك

سلامو عليكم
نزولاً علي رغبة الجماهير زفته جات
ومش هخبي عليكو أنا كنت خت قرار إني مش هكتب تاني
بس صرفت نظر
المهم
انا بقالي كذا يوم بفكر هكتب ايه
فقررت قرار اريدكم جميعا انا تساعدوني عليه
من اول البوست الجاي
كتابات الأخت زفته هتبقي عن شخصيه هي قابلتها ف حياتها
صديق بابا ماما جدتي بس شخصيه سابت أإثر عندي
يمكن بعد مكتب عنها
اكتشف انها فادتني ف حاجه انا مختش بالي منها
أو انها للاسف أثرت علي بالسلب فأبعد عنها أحسن
كان معكم من أكئب مكان ف الأرض
زفته هانم

الاثنين، 24 نوفمبر 2008

لولي لولي لولي قط قط خطب


ازيكو

طبعا انا موحشتكمش لانكم نسيتوني تقريبا

فمعلش خلاص الكمبيوتر اتصلح وحرجع اصدعكو

احدث تجربه حصلت لي انا واخويا العزيييييييييييييز قطران افندي

انا ححكيلكو واشهدو

إذ بفتح الفيس بوك الاقي

ان قطقط خطب

طااااااااب ازاي دا كان بيكلمني باليل اللي مقالي ولا لمحلي

قلت يمكن كدبة ابريل

ابص ف النتيجه الاقيها 11

قلت كتبها غلط

الاقيه باعتلي رساله بياكد الخبر

طاب ااقوله ايه

معرفتش ااقولها بنفس


المهم

اخواتي البلوجرز

انتو معزومين علي حفلة خطوبه قطقط اخويا

وخطيبته المصون أنسه (m)

بعد 8 سنين من دلوقتي

وان شاء الله

الفرح بعدها بسنتين



بزمتكو يصح

يخطب قبل ميطمن علي اختوه

منظري ايه انا ف عالم البشر

زفوته

الاثنين، 17 نوفمبر 2008

نعتذر عن التأخير واليكم تجربة مع الاجانب

طبعا عارف انكم زعلانين اني انا وزفتة مابندخل


وبنعتذر عن هذا العطل الطارئ


وهاحكيلكم تجربة


لسه جديدة


حتى زفتة ماتعرفهاش


تجربة جمعت فكاهة مع اكتر من موقف


اليكم ما حدث بالامس يوم الاحد 16/11/2008


ـــــــــــــــــــــــــــــــــــــــــــــــــــــــــــــــ


اولا المكان محطة مصر بالاسكندرية


على رصيف المحطة جنب القطر



لازم تعرفوا المكان عشان خلفية الصوت



ثانيا خلفية عن القطر


القطر اللي في الموقف


عبارة عن عربيتين درجة تانية مكيفة
ده الميزة بتاعته انه في نور وبيقولوا تكييف
وعربية مايدخلهاش هوا

وبقيت العربيات

عادية نورها مكسور وشبابيكها مكسرة

ظلام دامس وعلى رأي واحد صاحبي لو حاجة بتلوشك سيبها تلوشك

ـــــــــــــــــــــــــــــــــــــــــــــــــــــــــــــــ

كان المفروض هاركب قطر 6.20 بتوقيت الاسكندرية
القطر ده عبارة عن عربيتين مكيف درجة تانية
والباقي مميز
عرفنا الفرق فوق
انا كان عندي كورس وخلصت الساعة 5 ونص تقريبا
روحت المحطة بروح انام في القطر شوية قبل مايطلع
دخلت القطر كان في اتنين اجانب من اللغة عرفت انهم من فرنسا
دوروا على مكانهم وقعدوا
وطلعوا قصص وقعدوا يقروا
فوجئوا بوجود صراصير صغيرة بتتمشى جنبهم
قاموا وبيحاولوا يموتوها يلاقوها بتزيد
دخل الكادر في الوقت ده
بنت شايلة ادوات صيدلة
قعدت جنب الشباك
طبعا ده كان الاساس بتاع الصراصير
لقت الصراصير
قامت للكرسي اللي بره
وبعدين قامت وقفت بره واتكلمك في الموبايل
الساعة جات 6.20
سألنا المحصل
قال لسه الجرار ماجاش
طلعت وقفت بين العربيتين
لقيت البنت بتكلم مامتها
بتقول
القطر مقرف قوي يا ماما
صراصير في كل مكان
وبعدين طلعت بره العربية
لقت بنتين من صيدلة في العربية اللي ورانا
واقفين بره برضه
بتقولهم صراصير
قالولها عندنا فيران واتفقوا انهم ببجوا سوا العربية بتاعتنا
الجرار جه 7.10
القطر وقف يحمل في سيدي جابر
دخل مجموعة شباب وبنات بيدوروا على اماكنهم
كانوا حاجزين عشرة جنب بعض
مع ان العربية كانت فاضية
حبكت يقوموا الفرنساويين
والفرنساويين جم قوموني فكرينه مكانهم
انا قمت مع ان كراسيهم في العربية التانية
بس قلتلهم انتوا ضيوفنا ورجعت مكانهم
في السكة بقى
كانت البنات قاعدين قعدة القرفصاء
او واقفين قرفانين من الصراصير
واحلى كومنت اتقال من الكمسري
اقعدوا ماتخافوش الصراصير مش هاتعملكوا حاجة
وانا فطسان على نفسي من الضحك
والحمدلله وصلت بالسلامة
ودي كانت اخر مغامراتي مع القطر
بس كان قبلها كتير
لو عاجبكوا هاحكيلكوا
سلااااااااااام
مع تحيات
قطران

السبت، 26 يوليو 2008

الكدب (تجربه شعب مصر كله عايشها )

سلامو عليكم
ازيكو
طبعا انا وقطران وحشناكو جداااااااااااااااااااااااااااا
عشان كده قررت بقي اني استغل ان قطران مشغول ف المزاكره واحتل انا المدونه لحد ميجي
###############################
الكدب
لعبه الشعب المصري كله عايشها
انا طول عمري بقول انا مستحيل اكدب
مستحيل
بس اكتشفت اني لا انا بكدب
بكدب اخرج نفسي من مشكله
ازوغ من استجواب ماما فاتحاه
اهرب من سؤال محرج حد موجهولي
اكتشفت انه لا كلنا بندكب
عشان نخرج من مواقف اتحطينا فيه انا مش بقول ان ده صح
لالالالالالالالالالالالالالالالالالالالالالالالالالالالالالالالا
الكدب اي كان سببه غلط
بس السؤال؟؟
امتي الكدب يتحول ف حياتنا لمرض او لعبه نفرح بيها
حد حيقوم يقولي زفته صدعتي دماغي عاوزه ايه
حقوله زي كل مره اتهد واقعد واسمعني للاخر
انا اللي عاوزه ااقوله ايه لازمه اني اكدب من غير ميكون في سبب لكدبي
يعني اوضحلكو عشان متناموش مني ك العاده
واحده تلاقيها تحكي قصه طووووووووووووووووويله وانا قاعده فاتحه بقي ولساني طلع وعني بتعيط من ايه
عشان متاثره بكلامها
واقعد اواثيها واخفف عنها ويمكن ااقعد يومين تلاته منمش
وف الاخر
اكتشف ان ولا في اي حاجه من الكلام ده حصل
وانا اللي هبله ف الاخر
عينه تانيه
ولد قاعد طول يوم ع النت بيحب ف بنت
وانا مليش غيرك وانت حياتي وانت اللي حتغيريني
فجاه هووب بنت تانيه تدخل اون لاين
طيب ياحبيبتي علي عنيا لازم ااقوم عشان ماما بتنادي ولازم اروحلها
طيب ياحبيبي طبعا لازم ترحلها
ويعمل نفسه اوف لاين محطش ف دماغه مثلا ان ممكن حبيبته اللي ملبسها عمه دي
تكون مسلحه نفسها باسلحة التكنولوجيا وعندها برنامج
(بادي تشيك) ده برنامج بيبين اللي اوف لاين
تكشفه ويبقي منظره وووووووووووووحش
صنف تالت
عشان متقلوش زفته واقفه ضد الرجاله
بنت قاعده مبتعملش حاجه غير انها بتوصف ف اصل وفصل عليتها
وياسلام بقي انا بنت فلان ابن علان
وبشتري هدومي من فين وسيتي استار وهي اصلا اخرها العتبه ( مالها العتبه دي فيها جزم تحفه )
البنت دي بقي انا شوفت عينتها بعيني
قاعدت تتكلم عن العيله والاصل
وهي متعرفش اني من بلدها وعارفه ان باباه المليونير شغال ( سواق عربيه حنطور)
انا مش معترضه علي مهنته لا ابدا ده ليه كل الاحترام
انا بكرهه اسلوبها
انا ليه بقول كل ده
لسه امبارح مكتشفه ان واحده صاحبتي اوي كذبت علي وحكتلي قصه
مش بتاعتها اصلا هي يمكن حكة القصه دي
عشان تفرحني
بس في قصص تانيه ومواضيع ملهاش عزر انها تكدب فيهم
كان اهون علي مليون مره انها تيجي تقولي زفته انا كدبت عليكي ف كذا وكذا
والله والله والله والله
كنت حعاملها ولا كأني سمعت حاجه عشان ححترم انها جات تقولي
لكن تسيبني اعرف من بره
واتصدم فيها وف نفسي اني صدقتها
ليه
انا مقدمتلكيش حاجه وحشه
واوعي يجي عليكي اليوم اللي تقوليلي
انا لي عزري
اه ليكي عزر بس انت عارفه اني بكره الكدب
بكره
ف الاخر
انا اكيد مصدومه فيكي
ومعرفش حعرف ااقولك اني عرفت كدبتك ولالا ولا حتي حعرف استحمل اتعامل معاكي
بس عاوزه ااقولك حاجه
الكدب مهما يكون مظبوط
ومفيهوش ثغرات بيجي عليه يوم ويتكشف فقولي انت من نفسك احسن
انا حستني شويه يمكن تيجي تقوليلي
بس لو مقولتيش
......................................................................
ياريت تقولولي
اعمل ايه ااقولها اني عرفت ولا اسكت ولا ايه بالظبط
صدعتكو صح
اصحوووووووووووووووووووووووووووووووووووووووووووو
قطران اخويا ونونو صديقتي ورماشيشو
انا معنديش اي استعداد اتصدم فيكو
امضاء





الأربعاء، 23 يوليو 2008

اسفه

انا بعتذر لكل اللي بيدخلو
البوست اللي فات
اتمسح لظروف خاصه
انا اسفه مره تانيه
لان البوست كان المفروض هزار بس طلع هزار زياده
انا اسفه مره تانيه
وقريب ان شاء الله
قطران حينزل البوست بتاعه
اول م الامتحانات
تخلص
ادعوله
ربنا معاه
زفته
مش حنتاخر عليكو وحنزوركو زي العاده

الأربعاء، 16 يوليو 2008

الواحد يتمني تاج يجيله تاجين ف يوم واحد

بس احنا عشان اللغبطه حنحل التاجين مع بعض



والاجابه علي كل سؤال حتبقي مره قطران ومره زفته
علي خيرة الله
فنجلو عنيكو وودانكو

عشان اول تاج جاااااااااااااااااااااااااااااااااااااااااااااااي
اول تاج جالنا كان من حبيبة قلبي ( رئيسه حزب الاحلام)
السؤال الاول
ست اسرار اللي يشوفنا لاول مره ميعرفهومش عننا



1-اني عصبي جدا في مواقف ماتستاهلش

غير الشغل

2-مابحبش اللي يتزاكى عليا

3-بحاسب نفسي بعد كل كلمة بقولها او هزار مع حد ما اعرفوش قوي

4-بافرح قوي بثقة الناس فيا

5-اني ممكن اقفش من كلمة حد يكون قايلها على سبيل الهزار

6-اني مش باحب حد يحطني في موقف سخرية
او انه يخلي الناس تضحك عليا بسخريته في حاجة عملتها

حتقولو دول اجابه واحده

بجد والله ومش مقصوده الاجابه واحده عندنا انا وقطران الصفات دي فينا احنا الاتنين
*******************************************************

التاج التاني

من نونو حبيبت قلبي واللي زعلانه مننا


بس بنحاول نصالحها

السؤال ازكر 16 صفه عن نفسك

الصفات اللي مفيهاش اجابتن اعرفو انها مشتكره ماشي مريحنكو احنا اهوه
عدو الجمايل

1- بنحب نتقي ربنا ف كل حاجه وواثقين انه حيعملنا الخير

2-بنحب نتعرف ع الناس وتقدرو تقولو اجتماعين حبتين تلاته كده

3 بما اننا قربنا نقلب ملايكه بنحاول نعمل خير ونساعد الناس علي قد منقدر

4-حساسين جدا وبنقفش لاي كلمه اللي قدامنا ممكن يكون شايفها تافهه

5-مش بنبقي علي راحتنا غير مع الناس اللي نعرفهم وبنثق فيهم


6- بنحب الاقرايه جدا لاي نوع من الكتب حسب نوع الكاتب نفسه واسلوبه وبنحب القصصص والشعر جدا

7-ممكن نكتم غ نفسنا جدا ولما بننفجر ممكن نخسر اي حد ( هو مش بنخسر بس بيبقي انفجار وحش )

8- بنكره اللي يستغبانا او يتعامل علي اساس اننا اغبيه ومش فاهمين ( بمعني اصح بنحب اللي يحترم زكائنا )

9-بنحب نسمع اي حد جاي يشتكي ونحاول نساعده مهما كان عمل فينا

( الموضوع ده بيخلي كتير اوي يستغلونا وعلي فكره بنبقي عارفين انهم بيستغلونا بس بنطنش)

10-احيانا كتير مش بنفهم نفسنا (تقريبا عندنا شيزوفرينيا )

11- زفته : كتير كتير جدا بحس اني لوحدي مع اني لي ناس كتيييييييييييييير معايا

قطران :اني بثق في نفسي بدرجة كبيرةاحيانا بتوصل ان اللي مايعرفنيش بيقول مغرور

12- زفته : بحب جوليا روبرت جدا جدا

قطران : بعشق احمد حلمي

13- زفته: لما ببقي مخنوقه بحب اضحك عشان محدش يضايق

قطران:باحب اقعد على البحر جداواشكيله واحكيلهوباحس انه بيحتويني وبيشيل احزاني ويرجعني تاني

14- زفته : بحب الشعر جدا جدا وخصوصا فاروق جويده

قطران : باحب الشعر الجاهليوالشاعر ابو فراس الحمدانيونزار القباني

15-زفته: بحب اي اغنيه معناها احسه حتي لو لحد معرفوش

قطران :باحب اسمع محمد منير وكاظم الساهر ومروان خوريوعبدالحليم

16- احنا الاتنين برج الحمل

اظن كفايه كده انتو نمتو

اصحووووووووووووووووووووووووووووووووووووووووووووووووو

خلصنا خلاص

المهم

حنهدي التاج لمين

التاج الاولاني طبعا لنونو

appy

المفقوع مررتها حبيبتي

فاتيما مع انها متعرفناش كويس

المفروسه فرفر حبيبتي

رئيسه حزب الاحلام

حنهديها التاج التاني

اما اللي ف النص فيختارو اي تاج منهم

ويجاوبوه

امضاء

زفته وقطران

لا شئ