سلامو عليكم
ازيكو
طبعا انا وقطران وحشناكو جداااااااااااااااااااااااااااا
عشان كده قررت بقي اني استغل ان قطران مشغول ف المزاكره واحتل انا المدونه لحد ميجي
###############################
الكدب
لعبه الشعب المصري كله عايشها
انا طول عمري بقول انا مستحيل اكدب
مستحيل
بس اكتشفت اني لا انا بكدب
بكدب اخرج نفسي من مشكله
ازوغ من استجواب ماما فاتحاه
اهرب من سؤال محرج حد موجهولي
اكتشفت انه لا كلنا بندكب
عشان نخرج من مواقف اتحطينا فيه انا مش بقول ان ده صح
لالالالالالالالالالالالالالالالالالالالالالالالالالالالالالالالا
الكدب اي كان سببه غلط
بس السؤال؟؟
امتي الكدب يتحول ف حياتنا لمرض او لعبه نفرح بيها
حد حيقوم يقولي زفته صدعتي دماغي عاوزه ايه
حقوله زي كل مره اتهد واقعد واسمعني للاخر
انا اللي عاوزه ااقوله ايه لازمه اني اكدب من غير ميكون في سبب لكدبي
يعني اوضحلكو عشان متناموش مني ك العاده
واحده تلاقيها تحكي قصه طووووووووووووووووويله وانا قاعده فاتحه بقي ولساني طلع وعني بتعيط من ايه
عشان متاثره بكلامها
واقعد اواثيها واخفف عنها ويمكن ااقعد يومين تلاته منمش
وف الاخر
اكتشف ان ولا في اي حاجه من الكلام ده حصل
وانا اللي هبله ف الاخر
عينه تانيه
ولد قاعد طول يوم ع النت بيحب ف بنت
وانا مليش غيرك وانت حياتي وانت اللي حتغيريني
فجاه هووب بنت تانيه تدخل اون لاين
طيب ياحبيبتي علي عنيا لازم ااقوم عشان ماما بتنادي ولازم اروحلها
طيب ياحبيبي طبعا لازم ترحلها
ويعمل نفسه اوف لاين محطش ف دماغه مثلا ان ممكن حبيبته اللي ملبسها عمه دي
تكون مسلحه نفسها باسلحة التكنولوجيا وعندها برنامج
(بادي تشيك) ده برنامج بيبين اللي اوف لاين
تكشفه ويبقي منظره وووووووووووووحش
صنف تالت
عشان متقلوش زفته واقفه ضد الرجاله
بنت قاعده مبتعملش حاجه غير انها بتوصف ف اصل وفصل عليتها
وياسلام بقي انا بنت فلان ابن علان
وبشتري هدومي من فين وسيتي استار وهي اصلا اخرها العتبه ( مالها العتبه دي فيها جزم تحفه )
البنت دي بقي انا شوفت عينتها بعيني
قاعدت تتكلم عن العيله والاصل
وهي متعرفش اني من بلدها وعارفه ان باباه المليونير شغال ( سواق عربيه حنطور)
انا مش معترضه علي مهنته لا ابدا ده ليه كل الاحترام
انا بكرهه اسلوبها
انا ليه بقول كل دهلسه امبارح مكتشفه ان واحده صاحبتي اوي كذبت علي وحكتلي قصه
مش بتاعتها اصلا هي يمكن حكة القصه دي
عشان تفرحني
بس في قصص تانيه ومواضيع ملهاش عزر انها تكدب فيهم
كان اهون علي مليون مره انها تيجي تقولي زفته انا كدبت عليكي ف كذا وكذا
والله والله والله والله
كنت حعاملها ولا كأني سمعت حاجه عشان ححترم انها جات تقولي
لكن تسيبني اعرف من بره
واتصدم فيها وف نفسي اني صدقتها
ليه
انا مقدمتلكيش حاجه وحشه
واوعي يجي عليكي اليوم اللي تقوليلي
انا لي عزري
اه ليكي عزر بس انت عارفه اني بكره الكدب
بكره
ف الاخر
انا اكيد مصدومه فيكي
ومعرفش حعرف ااقولك اني عرفت كدبتك ولالا ولا حتي حعرف استحمل اتعامل معاكي
بس عاوزه ااقولك حاجه
الكدب مهما يكون مظبوط
ومفيهوش ثغرات بيجي عليه يوم ويتكشف فقولي انت من نفسك احسن
انا حستني شويه يمكن تيجي تقوليلي
بس لو مقولتيش
......................................................................
ياريت تقولولي
اعمل ايه ااقولها اني عرفت ولا اسكت ولا ايه بالظبط
صدعتكو صح
اصحوووووووووووووووووووووووووووووووووووووووووووو
قطران اخويا ونونو صديقتي ورماشيشو
انا معنديش اي استعداد اتصدم فيكو
امضاء
هناك 32 تعليقًا:
السلام علسكم ورحمة الله وبركاته
بوست حلو قوى
فعلا الكدب صفه منتشره عندنا قوى
وبقت حاجه طبيعيه
اما الحقيقه بقت هى غير الطبيعيه
تحياتى
بصي مش هينفع اطول في الكام عشان بكتب بإيدي الشمال بس
المهم
انا ضد الكذب تماما
لو عليا اقو محبش اقول كذا ولا اني اكذب
اعتلرف اني زمان كنت ملكة الفشر بشهادة الشهود
ولكن
المواطنة تابت وانابت وانضمت للحزب الوطني
بس انا بالنسبالي مش بتفرق معايا اللي قدامي بيكدب ولا لا
لاني مش بيفرق معايا الناس قوي
سو للي بيكذب . علي نفسة
واللي بيصدق .. لنفسه
عامتاً انا بقيت من فترة طويلة بكرة الكذب في حد ذاته
ويكفي الحديث الشريف فيما معناه
غن الكذب يهدي للفجور وان الفجور يهدي الي النار وان الرجل ليكذب حتى يكتب عند الله كذابا
اومال لو كنت بكتب بايديا الاتنين
معلش طولت عليكي
دمتي سالمة
سلام غليكي
الى يكدب يكدب طالما مش فى شئ يخصنى
طالما مش بيكدب فى الشغل ولا شئ يخصنى اكدب كما تشاء
حكم اوانى الزهر والمرايا
:)
جميل البوست يا توته
بس للاسف مفيش حد في الدنيا كلها مش بيكدب
بقي اساس للحياه
تحياتي ليكي
مي
زفوتة
إزيك عامله أية
أحب أقولك إن الإنسان عمره ماهيكدب
إذا كان متقرب من ربنا بالطاعات والأعمال الصالحة أما البعيد عن ربه
فأكيد هيكدب ...
وفي ناس متعودة على الكدب في كل أمر من أمور حياتها..
وفي ناس تحلف كدب وطبعاً الكدب كله عذابه عظيم لكن الحلف الكاذب أكيد عذابه أعظم وأعظم..
وفي النهاية أحب أقولك إن البوست رائع ومهم جداً...
......................
Aaya
اوعى وشك
ايووووووووووووووة من الكدب والكدابين
يااااااااااااااااا انا بكرهة جدا
على فكرة المسلم يعمل اى حاجة بس ميكدبش
بس هنعمل اية ؟
مش باييد المصريين دة فى دمهم
زفوتة اسلوبك المرة دى حلو اوى
فعلا الكدب ده بيهدم حجات حلوة كتير..ٌلبتي علي المواجع
خير خير..كانتن حكاية حلوة هتقفل بشر لولا لطف الله
كل ودي وصدقيني الكدب مهما كان مبرره نهايته وحشة قوي زي ما انت قلتي
كل ودي
معاك حق يافارس
الحقيقه هي اللي بقيت غير طبيعيه
اولا الف سلامه عليكي انعكشه ياحبيبتي
الف مببروك ع التوبه
وان شاء الله توبه نصوحه
وفعلا
الكدب يهدي الي الفجور
ماشي يابطوط
بس لو كدب عليكي
برده عاوزاه يكدب براحته معندكيش مشاكل
صح ياكي
مفيش حد ف الدنيا مبيكدبش
الا نعكشه طبعا
ايويه حبيبة زفوته
معاكي حق طبعا لاننا لو قريبين من ربنا مش حنخاف من حاجه عشان نكدب
نونو اوعي وشك
سلميلي علي اسلحه التكنولوجيا
وانا سعيده انه عجبك
كاتب مصري
معلش اني قلبت المواجع
وع العموم مش لواحدك
كلنا عندنا مواجع من كدب الناس
موضوع جميييييييييل ( كدبه )
هههههه
بجد والله جزاكم الله خيرا علي طرح الموضوع
فيه ناس كتير بتكدب
والاوحش انهم لما بيكدبوا علشان مش
يزعلواحد منهم الناس اما تعرف بتزعل
اكتر يعني هم بيبوظوا الموضوع اكتر
علي العموم
كل كدبه والشعب المصري بخيييييير
مدونه جميييييييييله
تقبلي مروري
زفته يا حبيبتى اللى بيكدب بيكون جبان وفيه نوع تانى اتحول معاه انه بقى مرض يعنى بيكدب وهو فاهم انه بيقول الصح
ياااااااااة على الكدب والكدابين
تييجى ناخذ على نفسنا عهد منكدبش بس يوميين لغاية يوم الجمعة اللى موافق يرفع اييدة
مستنييين جديد حضرتك
:d
حلو اوى البوست ده فعلا كان لازم حد يكتب عن الكدب الكدبة دايما بتبقى صغيرة مع الواحد بعد كده بتكبر بمعنىانك بتكدبى مرة و بعدين الزمن ينسيكى الكدبة و بعدين تغلطى فيبان كدبك يعنى انتى قولتى انك احيانا بتكدبى على مامتك انا بقى كل ما اكدب اتقفش من عيونى بابا بيعرف انى بكدب من قبل ما احاول اكدب اصلا هههههههههههه. بس و الله كل اللى مبعرفش يكدب زى حلاتى كده اكيد ربنا بيحبه
عزرا على الاطالة
"تحياتى"
يا...
يا بنتي والله انا مكسوفة ادخل اقولك "يا زفتة" فإنتي هتبقي من هنا ورايح زيزي وهو طوطو:)
بصي يازيزي
انا شايفة ان الكدب ده مادام الواحد حلله لنفسه ف حاجة صغيرة اللي هي وي ما قولتي اهرب من سؤال رخم او من استجواب
يبقى هحلله في الكبيرة
لو الواحد قال مش هكدب لا في كبيرة ولا في صغيرة علشان ربنا قال انه حرام خلاص الموضوع بالنسباله هو على الاقل هيتحل
وهيحاول انه مايعملش حاجة كدة واللا كدة علشان لما يتسئل ما يضطرش يكدب لانه ماعملش حاجة يخاف منها
بس بقى يا ستي
ادي كوووووووول الموضوع
اول زيارة ليا عندك,, وبلوجك لذيذ جدا على فكرة
وسلميلي على "طوطو"
واكيد ان شاء الله هتشوفيني هنا كتير
miro el niro kwaniro
واللهى معاكى حق فى كل حاجة قلتيها احنا كده نموت فى الكدب بسبب او من غير
بس اسلوبك حلو جدا فى الكتابة
سلميلى على قطران
ونخرج من الموضوع ده يا اولاد بأيه بقى ان الكدب وحش
وان انتي عرفتي ان صاحبتك كدبت
وهتموتي وتفقسيها وتقوليلها انك عرفتي
وبرده انك مش عايزه تتصدمي في حبايبك زي ما اتصدمتي فيها
وايه تاني
اه افتكرت ان انا داخل كده زي ما يكون بيت ابويا وبرغي من غير ما نتعرف
تحياتي
==================
بصي بلاش تقوليلها انك عرفتي صدقيني هتلاقي كده احسن لو هي حاولت تمحي غلطها من غير ما تحرج نفيها بالأعتراف مش مشكله مش لازم يعني تحرج نفسها قدامك علشان تسامحيها
ولو ساقت في الكدب هتبقى عرفتيها على حقيقتها اكتر وهيبان قدامك حاجات كتير ممكن متاخديش بالك منها
سعدت بزيارتك
سلااااااااااااااااااااااااام
الكدب.............. دا الكدب بقى اكتر من البطاله فى مصر.
عارفه يا قمره.
مش المشكله فى الكدب.
المشكله ان اللى بيكدبوا بيصدقوا نفسهم.
والمشكله كمان انهم بيبقوا عارفين ان اللى قدامهم عارفين انهم بيكدبوا وبرده بيكدبوا.
انتى فهمتى حاجه منى
زفتوته يا قموره, اعملى استفتاء, انك تقولى لصحبتك ولا لا,
وانا رايى...... والله مش عارفه اقوللك ايه, طيب ما تحكلنا اللى حصل وانا اقوللك
تحيااااااااااااااااتى ليكى يا قمره
فى انتظار المزيد والمزيد, وبعدين مزاكرة ايه الا يام دى.
حنين
وعلشان احنا فى مصر يبقى مينفعش
اخد تااااااخد ومدهوش لزفتة حبيبتى
كوووووووسة باللحمة المفرومة
لييكى تاج عندى يا لولو
ادخلى شوفية
والله غلطانه
ايوة انتى غلطانه وستين غلطانه
بقى الوليه بتفك معاكى بكلمتين تسيحيلها على البلوجات كده
عادى يعنى لما حد يحب يفك عن نفسه ويشوف نظره الانبهار فى عيون الاخر اه هى نظره مبنيه على كذبه بس اهو عاشها وانتهينا
ههههههههههههههه
بستهبل طبعا
الكذب كذب
وفى الحديث الشريف
يظل الرجل يكذب ويتحرى الكذب حتى يكتب عند الله كذابا
او كما قال رسول الله صلى الله عليه وسلم
بس الى انا اعرفه ان اغلب الكذب بيكون مصدره النساء ممكن اكون غلطان لكن دى الى صدفته
بس فى حاجه فى البوست
انتى بتقولى نجيب براكج كشف البلوك والاوف لاين
ده مش صح لان ده بقى اسمه تجسس
او تطفل
لو فى حد مل منى او زهق منى ومش عاوز يكلمنى خلاص برحته ومش مهم اعرف اذا كان على النت ولا خرج
حاجه كمان
فى حديث شريف بيقول
(كفى بالمرء كذبا ان يحدث بكل ما سمع)
صدق رسول الله صلى الله عليه وسلم
كمان المواره والدبلوماسيه والهروب منت الموضوع ليس كذب
بدليل الحديث الشريف
(من كان يؤمن بالله واليوم الاخر فليقل خيرا او ليصمت)
صدق رسول الله صلى الله عليه وسلم
يبقى لو انتى بتزوغى من الاجابه عن استجواب من مامتك بالصمت او بتغير الموضع هذا ليس كذب
الكذب ان تنطقى ما لم يحدث
الموضوع جميل ومش عاوز ارغى اكتر من كده
تسلم ايدك وسلامى لقطران
تحياتى
كل مره ادخل الاقيكي بتقولي قطران مشغول وانا محتله البلوج
يكونش قتلتي الواد ؟
اعتررررررررفي ومفيناش من الكدب
وبالنسبه لموضوع صاحبتك
فانا شايف انك تواجهيها وتديها فرصه اخيره
يمكن تكون بداية نهاية الكدب عندها
بس لو اتكرر الموضوع في اي حاجه ولو بسيطه
انصحك بقي تدوري علي واحده تانيه
او اقتليها زي مقتلتي قطران :)))
yaq benty
maho 2aslan el nas kolaha kadabeeeeeeeeeeen
3arfa ana wa7da fahemetny en 3andha cancer o el 7ekayah o el rewayah o nakedet 3alaya el be3eda o fel 2a7'er tele3 kedb fe kedb
rabena yer7amana mn el nas deh ba2a
kathom el araf malo el balad
اتهد واسكت واعد اسمع..
معقول اول مرة ادخل برجلى المدونة الاقى طاااخ كدة..
بعدين اية دة دك كتاب مش بوست
هههههههههة
اسلوبك عسوووول
السلام عليكم ورحمة الله وبركاته
أزيك يا زفتة هانم واهلا يا قطران باشا
المونة حلوة اوى وكمان روحكوا الحلوة باينة فيها
وعلى فكرة البوست حلو أخر حاجة
وأنا كمان يازفتة حاسة بيكى اوى فى موضوع الكدبة اللى صاحبتك كدبت عليكى فيها لأن انا كمان سبحان الله اتكدب عليا من واحدة صحبتى واقرب واحدة ليا ودى كانت صدمة عمرى
وحقيقى فعلا الصراحة والمواجهة بتسهل امور كتير وبتريح حتى لو فيها الم بيكون ارحم بكتير من الخداع والغش
ومرة تانية حلوة جدا المدونة
اصبح الكذب عند بعض الناس مثل فنجان القهوة الصباحي لا يمكن الأستغناء عنه
تحياتي لك
في الجديد من زمان مش فيه بوستات جديده
؟؟!!
حضرتك مش كتبتي من زمان يارب تكوني بخير
إرسال تعليق