غير الشغل
2-مابحبش اللي يتزاكى عليا
3-بحاسب نفسي بعد كل كلمة بقولها او هزار مع حد ما اعرفوش قوي
4-بافرح قوي بثقة الناس فيا
5-اني ممكن اقفش من كلمة حد يكون قايلها على سبيل الهزار
6-اني مش باحب حد يحطني في موقف سخرية
او انه يخلي الناس تضحك عليا بسخريته في حاجة عملتها
حتقولو دول اجابه واحده
التاج التاني
بس بنحاول نصالحها
2-بنحب نتعرف ع الناس وتقدرو تقولو اجتماعين حبتين تلاته كده
3 بما اننا قربنا نقلب ملايكه بنحاول نعمل خير ونساعد الناس علي قد منقدر
4-حساسين جدا وبنقفش لاي كلمه اللي قدامنا ممكن يكون شايفها تافهه
5-مش بنبقي علي راحتنا غير مع الناس اللي نعرفهم وبنثق فيهم
6- بنحب الاقرايه جدا لاي نوع من الكتب حسب نوع الكاتب نفسه واسلوبه وبنحب القصصص والشعر جدا
7-ممكن نكتم غ نفسنا جدا ولما بننفجر ممكن نخسر اي حد ( هو مش بنخسر بس بيبقي انفجار وحش )
8- بنكره اللي يستغبانا او يتعامل علي اساس اننا اغبيه ومش فاهمين ( بمعني اصح بنحب اللي يحترم زكائنا )
9-بنحب نسمع اي حد جاي يشتكي ونحاول نساعده مهما كان عمل فينا
( الموضوع ده بيخلي كتير اوي يستغلونا وعلي فكره بنبقي عارفين انهم بيستغلونا بس بنطنش)
10-احيانا كتير مش بنفهم نفسنا (تقريبا عندنا شيزوفرينيا )
11- زفته : كتير كتير جدا بحس اني لوحدي مع اني لي ناس كتيييييييييييييير معايا
قطران :اني بثق في نفسي بدرجة كبيرةاحيانا بتوصل ان اللي مايعرفنيش بيقول مغرور
12- زفته : بحب جوليا روبرت جدا جدا
قطران : بعشق احمد حلمي
13- زفته: لما ببقي مخنوقه بحب اضحك عشان محدش يضايق
قطران:باحب اقعد على البحر جداواشكيله واحكيلهوباحس انه بيحتويني وبيشيل احزاني ويرجعني تاني
14- زفته : بحب الشعر جدا جدا وخصوصا فاروق جويده
قطران : باحب الشعر الجاهليوالشاعر ابو فراس الحمدانيونزار القباني
15-زفته: بحب اي اغنيه معناها احسه حتي لو لحد معرفوش
قطران :باحب اسمع محمد منير وكاظم الساهر ومروان خوريوعبدالحليم
16- احنا الاتنين برج الحمل
اظن كفايه كده انتو نمتو
اصحووووووووووووووووووووووووووووووووووووووووووووووووو
خلصنا خلاص
المهم
حنهدي التاج لمين
التاج الاولاني طبعا لنونو
appy
المفقوع مررتها حبيبتي
فاتيما مع انها متعرفناش كويس
المفروسه فرفر حبيبتي
رئيسه حزب الاحلام
حنهديها التاج التاني
اما اللي ف النص فيختارو اي تاج منهم
ويجاوبوه
امضاء
زفته وقطران
هناك 14 تعليقًا:
السلام عليكم
اول مرة ادخل عندك لكن مش هتبقى الاخيرة
يا بختك جالك تاجين مرة واحدة
دة مش حسد دة قر
ههههههههه
بس بصراحة اجابات كلها صريحة
وكفاية انى عرفت شخصبة مثل شخصيتك
بس بلاش العصبية
ويلاش تفرح بثقة الناس اوى
اتمنى لك التوفيق
بنت النيل
كدة كدة
اول مرة ادخل عندكم تخلونى اشيل التاج
لا والله كدة ينفع ماشى
انا كنت بهزر علشان قولت حسد وقر
انا رجعت فى كلامى خلاص
حاضر ياستى اجاوب على التاج حاضر
تحياتى لكم
بنت النيل
يا إخواننا دا مقلب و بتعملوه فيا مش كدا ؟؟
غعترفوا مين اللى حرضكم ع الجريمة دى و قالكم إحدفوا التاج بتاع الأسرار على فاتيما ؟؟
محدش ؟؟
طيييييب
التاج دا مشكلة كبيرة
بس اشكركم عليه
التاج التانى دا جاوبته بس كان عشر حاجات بس ماشاءالله عندكم زاد و ربنا بارك فيه و بقى 16
طب كويس بس أنا إتمخولت ما بينكم إنتو الأتنين
صح معرفكمش كويس إنتوا اخوات بجد و لا اخوية نتية بحتة ؟؟
عموما تاج الأسرار هيخلينى أحرص لما أقابلكم وجهاً لوجه و أدينى عرفت شوية معلومات بس اطمنوا عمرى ما هتذاكى عليكم لأنى و الحمدلله أفتقر للحكاية دى قوى قوى و مبعرفش أعملها
تحياتى ليكم
و كل تاج و إنتم طيبين
و تعيشوا و تلبسوا
ههههههههههههههه
لا اوعوا تفكروا تريقتي دي استخفاف لحسن تقفشوا عليها وعليا كمان والنبي انا مش ناقص
انا بحترم ذكائكم والله
لا بجد صفاتكم جميله وحلوة رغم ان فيها اللي ممكن يحطكم في مواقف انتم في غنى عنها لكن يكفي ان في صراحه لإن بستغرب اللي بيجاوبوا التاجات دي وماشاء الله بيرصوا صفات كلها جميله طيب اوك مفيش مشاكل طيب قولوا عيب واحد طيب
ألف مبروك عليكم التاجين
ونايس بوست
وتحياتي
ازيك يا زفوتة
ازيك يا قطران
صفاتكم جميلة جداً
وبتدل على شخصيتكم الرائعة
........
(:
Angel Baby
زفتة هانم
قطران باشا
اية الجمال دة
اية الروقان دة
حلوة اوى الصفات
وعلشان انا نونو هسامح واقبل التاااج
بس هأجلة شوية لانى لسة مجوبة على تاااااج
يعنى هيبقى بعد البوست الجاى
حبايب قلب نونو
تستهلوا التاااجين عن جدارة
فرحت جدا لما لقيتك أول تعليق وأخدتي كمان التاني
شكرا للطفك ده
وعلى فكرة انت شخصية عجبتني قوي
كل الود ويارب مدونتي متبقاش مدونة وعديتي بيها وتنسيها
ماشي يا ستي
لكِ ودي
اول مره ازور المدونه الجميله ذات الظل الخفيف دى وان شاء الله مش هتكون الأخيره
وبجد صعبان عليها اانك تجاوب على تاجين مره واحده يبقى بجد كتر الف خيرك واللى مدبسك فيهم واحد هى نون العسوله
بس برافوا توفقت جدا فى الرد على اسألتهم
تحياتى والى الأمام دائما وتمنياتى بدوام التواصل بينا
nageh
بنت النيل
ـــــــــــــ
وعليكم السلام ورحمة الله وبركاته
الحمدلله انها مش الاخيرة
ونظرا انك قريتي على التاج
لازم تتفضليه
بلاش العصبية صح
بس ثقة الناس كنز لازم نفرح بيه
في انتظار اجابتك على التاج
فاتيما
ــــــــــ
ماحدش حرضنا على اننا نديك التاج
بس عايزين نعرف سيادتك اكتر
انا وزفتة
لو قريت التقديم في المدونة هاتعرفنا
كل تاج وانت طيب
white heart
ــــــــــــــ
مش من اي حد التريقة نقفش عليها
ماتقلقش
زي ايه الصفات اللي ممكن تحطنا في مواقف احنا في غنى عنها؟؟
الله يبارك فيك في التاجين
اتفضلهم
شكرا للزيارة
aaya
ـــــــ
اهلا بيكي
احنا الحمدلله تمام
اخجلتي تواضعنا بكلامك ورأيك وزوقك
يارب ماتكونش الزيارة الاخيرة
كل دى تاجات مره واحده
دانا تعبت من القرايه
امال انت عملت ايه فى التفكير والكتابه
ربنا يكون فعونك
لالالالالا بس ايه
اجابات زى بتاعه السياسين الكبار ورجال الحكومات الافزاز
منتهى الدبلوماسيه
والحكمه فى الاجابات
كمان خفه دم وايمان عميق يظهر من بين السطور
بوست جميل
تحياتى
ربنا يكتر تياجانك بجد انتي عسولة موت متقوليش على نفسك زفت وقطران تاني
ماشي؟
إرسال تعليق