سلامو عليكم
جه ف دماغي كزا موضوع ممكن اتكلم عنه
بس قلت اختار اكتر حاجه أثرت فيا
فكرت كتير جدا لقيت ان اكتر حاجه أثرت فيا فعلا اني مليش اخوات ......................
اه من اكتر الحاجات اللي اثرت فيا وضايقتني
يمكن عوضتها بإن ليا صحاب كتير كتير جدا كمان
بس بما اني نكديه كنت اقعد افكر وقول
لو خيرت اعز صحابي بيني وبين اخوها او اختها اكيد حتختارهم انا نفسي حرفض انها تختارني انا
يمكن حد يقولي طيب انت عاوزه ايه
مش عاوزه
انا كنت عاوزه اعرف التجربه دي اللي عايشها حاسس بايه
ايه اللي ممكن احس بيه لو اخويا او اختي
ضايقوني
او جابولي حاجه فرحتني
يعني
او لما نتخانق
وبعد دقيقتين لو جرالهم حاجه اعيط عليهم
دايما كنت بتخيل ان علاقتي باخويا او اختي
اكيد كانت حتبقي مثاليه
إذا كنت وفيه جدا لصحابي
مبالكو اخواتي
اسوء فكره علي الاطلاق جاتني ف الموضوع ده
هو بعد كده انا لما اضايق حروح اتكلم مع مين
بابا وماما مش موجودين
( محدش يقول مين البنت المتشامه دي هي الفكره جات ف دماغي ازعقلها يعني)
ساعات كتير اوووووووووووووي بحس ان في حاجات مينفعش حد يسمعها غير اختي
هي اي نعم ماما بتسمعها بس اختي كان يبقي احسن
بس تصدقو كده احسن
بالا اخوات بلا وجع دماغ قاعده ف البيت بطولي الكمبيوتر بتاعي لوحدي اوطي لوحدي
وكل الناس بيقولو كلمه واحده
انت وحيده
يااااااااااااااااااااااااااه
علي كده دلوعت بابا وماما
نفسي اعرف ميييييييييييييييين اللي قال المعلومه المتخلفه دي
ميعرفوش اني عشان الوحيده
ماما مركزه معايا 24 ساعه
سمرا اعملي كذا , كذا غلط, وطي صوتك
متحرميش اديكي كتير وانت بتتكلمي
يالهوىىىىىىىىىى
كل ده ومدلعه
اهوه
الصيت ولا الغنا زي مبيقولو
بس
دي اول تجربه وللاسف معيشتهاش
ف الاخر
انا بشكر كل صحابي اللي حسيت فعلا انه اغلي من اي اخوات ( احساسي كده)
انتو كنتو عندي غالين اوي ولسه والله غالين جدا
وربنا ميحرمني منكم ابدا
شكرا لاهم اتنين ف حياتي
والدي العزيز
انت كنت صديقي واخويا الكبير والدكتور النفسي كمان
ماما
صاحبتي الاولي والاخيره
وبييييييييييييييييييييير الاسرار بتاعي
عكننت عليكم انا
معلش هي جات كده
التجربه الجايه تبقي لذيذه ان شاء الله
بس انتو ادعو
اصلي عارفه نفسي
مع تحيات
زفته
هناك 9 تعليقات:
a5eraaaaaaaaaaaaaan
ana awel post
3la fekra
el e5wat a7la 7aga fi el donia
ymken makonysh a3rf krda ela lma a3dt b3eed 3nhom
bla2y nafsy arg3 magno0o0o0o0n adwar 3lihom
ana 3ndy as7ab kteeeeeeeeer we nas aktr fihom y3rfwa 7agat a5wia ma y3rfhasgh
bas di kanet 3'altety lma ba7ky le a5wia ba7es bi e7sas tany
ana ymken aktr 7ad ba7eb sh3o0o0or el theka m3 el nas we a3rf r2ihm
el e7sas el 2gmad a5ty el kbira
ma 7sitosh m3 nas kteer
ymken yt3aw 3la swab3 el 2id
mnhom wa7da 7aml t2ribn sad3t meny men ktr 7wadity
bdaya mwafka 3n el tgroba ma 3ditish biha
2omy men 3la el computer e3mly el salta ya samra
فيه أصحاب بيكونوا احسن من الأخوات بصي للأمور من الناحية الإيجابية
كويس انك بتعرفي تعملي صداقات فيه ناس بتبقي الوحيدة ومعندهاش مقدرة علي تكوين صداقات
غير انك ولله الحمد عندك بابا صديقك برضه وده شيء نادر الوجود في الزمن ده
ربنا يخليلك ماما وبابا وأصحابك
بصى بقى يا زفته هههههههههههههههه
لا بجد بصى يا سمرا طبعا الاخوات حاجه حلوة قوى وخاصه لما بتكونى بتحبيهم من قلبك جدا لان فيه علاقات اخوات اسم وبس وربنا ممكن يديلك صاحبه تبقى احسن من الاخت ولما تدخلى التدوين اكتر اكيد هتحسينا اخواتك وعيلتك
نورتى بلوج سبوت واخواته
ماشي ياقرصان
انت قلت زفته مش عارفه الاحساس
تقوم توصفهولها ولا تزلها بيه
يالا مش مشكله اهو حزكي عن صحتي واستحمل
اه طبعا احساس الصحاب حلو جدا
بالذات انهم ناس كل علاقتك ليهم ان بتحبهم
مش اكتر
اما موضوع الاخت الكبيره فانا محستهوش بصراحه
بس الاخ الصغير جربته مره
وللصدفه البحته
مع حد حمل برده
شكرا انك كنت اول بوست وان شاء الله مش اخر مره
حبيبتي وروح قلبي المفقوعه مرارتها
طبعا معاكي حق
حب الناس والقدره انك يبقي ليكي حياه اجتماعيه
نعمه بجد مش عند كتير
واكبر نعمه ف الحياه ان يبقي عندك اب وام زي اللي عندي
الحمد لله طبعا
بس تقولي ايه بقي
البني ادم عينه فارغه
ابي صاحبت احلي كوكب شوفته
والنبي خديني مواطنه معاكي تنسعدي يارب
طبعا انا مبسوطه جدا اني دخلت التدوين
وانت اللي نورتيني جدا
جدا
على فكرة ماحدش عاجبه حاله
بس عموما هتلاقي في حاجات حلوة في وحدتك دي اكيد
ولا ايه
اكيد يا محمد في حاجات حلوه
زي مثلا مفيش غيري ع الكمبيوتر
حبيبة منمون
ازيك حتى لو سميتى نفسك مس اكس حاعرفك برضه
بلاش تقلبى على مواجع الاخوات و النبى
عندى تلاته و انتى عارفه
واحده فى دبى و التانيه فى البحرين
و التالت ابنى حبيبى روح قلبى انتى عارفه عند اللى احن من الكل
يعنى ممكن فى الاخر الامور تتساوى
كل اللى حصل انى طول عمرى ماما تقولى انت فاكره كذا ده بتاعك لوحدك انتى عندك تلات اخوات
اقوم افاجا بعد العمر
انى اصبحت وحيدة ابوى
شفتى بقه ان فيه اسوا من ان الواحد ما يكونش عنده اخوات
و مع ذلك انا باحمد ربنا برضه
عشان اعرف واحده وزعت شربات يوم ما اخوها الكبير مات
تخيلى
عشان كان واخد ورثها و معذبها
الحياه كلها نسبيه يا جميل و يجب ان نتعلم الاستمتاع بما بين يدينا
قبل ان يصبح هو الاخر سرابا و ناسى عليه
طبعا انتى عارفه عنوانى ههاهاها
إرسال تعليق